Koronavirus bütün dünyada tüğyan edir və  gün keçdikcə yoluxma halları qeydə alınan ölkələrin sayı artır.  

Məlumat üçün qeyd edək ki, dünyada koronavirus infeksiyasına indiyədək yoluxanların sayı 119 456-ya çatıb. Bunların 66 666 nəfəri sağalıb, 4 302 nəfəri isə ölüb. Avropada xəstəliyin əsas mənbəyi İtaliya hesab olunur. Artıq rəsmən, bütün İtaliya ərazisində karantin elan olunub.

Modern.az Azərbaycan İtaliya Gənclər Assosiasiyasının sədri Emin Rüstəmov İtaliyanın Venesiya şəhərində 45-ə yaxın azərbaycanlı tələbənin olduğunu vurğulayıb. O, Azərbaycan vətəndaşlarının təxliyyə olunmasının gündəmdə olduğunu təsdiqləyib.

“Mart ayının 9-dan etibarən İtaliya bütünlüklə karantin zonası elan olunub. Giris-çıxış məhdudlaşdırılıb, hətta evdən çölə çıxmaq üçün də əlimizdə icazə kağızı olmalidir. Vəziyyet o qədər ürəkaçan deyil. İtaliyanın şimal zonasında, Milanda, xeyli azərbaycanlı tələbə təhsil alır. Həmçinin Ravenna və Rimini şəhərlərində təhsil alan azərbaycanlılar var. Ümumilikdə, diaspor və burdakı səfirliyimiz İtaliyada dəqiq olaraq neçə azərbaycanlının yaşadığını müəyyənləşdirməyə çalışır. Say müəyyən edildikdən sonra yəqin ki, təxliyyə məsələsi ilə bağlı həm səfirlik, həm də diaspor lazımi addımı atacaq”.